දහම් පුහුණුව ඔබ හති වැටෙන තෙක් ඇවිදිමින්, දුව පනිමින් කළ යුත්තක් නොවේ. ඔබේ හිතේ ඇතිවන හැඟීම් දෙස සිහි නුවණින් බලන්න. ඇසින් රූපයක් දුටු විට, කනින් ශබ්ද ඇසුනාම,නාසයෙන් ආඝ්‍රාණය කලාම, ඒ සියල්ලම මේ එකම සිතේමයි පහළ වෙන්නේ, එනම් 'දන්නා අය', අනෙකුත් ඉන්ද්‍රියන් පිළිබඳව ද මෙසේය. මනසේ මෙවැනි සංඥාවල් හා හැඟීම් ඇති වුණාම මොකක්ද සිදුවන්නේ ? සංඥාව ප්‍රිය නම් ඉන් ප්‍රීතිය උපදිනවා. අප්‍රිය සංඥාවට අකමැති නම් දුක් ඇති වෙනවා. එපමණයි එහි තියෙන්නේ. විඳින පුද්ගලයෙක් නොමැත.
ඒ නිසා මෙලොව ඔබ සැප සොයන්නේ කෙසේද ? ඔබගේ මුළු ජීවිත කාලය ම ඔබ කැමති දේ පමණක් ඔබට අන් අය කියාවි ද? එය සිදුවිය හැකි ද ? නෑ එසේ නොවෙයි. එසේ නොවන්නේ නම් ඔබ කොහේද යන්නේ ? මේ ලෝකයේ ඒ වගේ. එය අපි දැනගත යුතුයි. ලෝකවිදු - ලොව පිළිබඳ ඇති තතු දැනීම. අපි ලොව හරිහැටි වටහා ගන්නට ඕනෑ. බුදුන් වහන්සේ මෙලොවයි වැඩ සිටියේ, වෙන කොහේවත් නොවේ.ගිහි ජීවිතය උන්වහන්සේ අත් දුටුවා.එහි සීමාව උන්වහන්සේ දැක එයින් අත් මිදුණා. ගිහියන් වශයෙන් ඔබ කොහේද පුහුණු වන්නේ.ඔබට පුහුණු වන්නට ඕනැ නම් දහම් මග යාමට ඔබ දිරි වැඩිය යුතුයි.ඔබ උනන්දුවෙන් ඒ මඟ යන්නේ නම් ඔබටද ගිහි ජීවිතේ සීමාව අත් දැක එය අතහරින්නට හැකි වෙනවා.
පින්වත් ආචාන් චා හිමි ගේ දේශණාවක් ඇසුරෙනි .
No comments:
Post a Comment