දැන් ඔබ සවන් දෙන්ට සූදානම් වන්නේ ගෞතම බුදුරජාණන් වහන්සේගේ ශාසනයේ වැඩසිටි මහ රහතන් වහන්සේලාගේ උතුම් අදහස් වලටයි.
රහතන් වහන්සේලා ගැන අසන්නට ලැබීම පවා කොයි තරම් දුර්ලභ දෙයක් ද ? රහතන් වහන්සේලා කියන්නේ මේ මිහි මඩල සුන්දර කළ ආශ්චර්යමත් මිනිසුන් කොටසක්.එතරම් සුන්දර සිත් ඇති,එතරම් පිවිතුරු වචන ඇති, නිර්මල චරිත ඇති එතරම් නිකෙලෙස් මුනි රජාණන් වහන්සේලා මේ ලෝකයට පහළ වන්නේ ඉතාමත් කලාතුරකිනි.දෙවි-මිනිස් ලෝකයට මහා කරුණාවෙන් පහළවෙන සම්මා සම්බුදු රජාණන් වහන්සේ නමකගේ බුද්ධ ශාසනයේ පමණයි රහතන් වහන්සේලා පහළ වන්නේ. කරුණාවෙන් ඉතිරී ගිය ප්‍රඥාවෙන් බැබළී ගිය ඒ බුදුරජාණන් වහන්සේගේ හැම බණ පදයකින්ම මේ මනුෂ්‍ය සන්තානයේ සුන්දර වෙනවා. කෙලෙස් පීඩා දුරු වෙනවා. සිත සැනසෙනවා. ඒ රහතන් වහන්සේලා ආයෙ කවදා ද අපට මේ ඇස් දෙකෙන් දැකගන්නට ලැබෙන්නේ. දැන් මේ රහතන් වහන්සේලා තමන්ගේ තොරතුරු කියද්දී ඔබ ඉදිරියට උන්වහන්සේලා වඩිනා වගේ ඔබ සමඟ ඒ රහතන් වහන්සේලා කතා කරනවා වගෙයි. ඔබ සවන් දෙන්න. ඒ රහතන් වහන්සේලාගේ නිකෙලෙස් හදවත් තුළ රිද්මයට. උන්වහන්සේලාගේ හදවත් තුළ තිබුණ ස්වරය කොයිතරම් නිර්මලයි ද කොයිතරම් ආශ්චර්යයක් ද දැන් සවන් දෙන්න.
සංසාර මර්ගයේ යෙදෙන අපට, ධර්මය කැමැති සියල්ලන්ට, රහත් වහන්සේගේ ඇසුර ලැබීමට වාසනාව ලැබේවායි මාගේ පැතුමයි. ලැබෙන සිතුවිල්ලක් පාසා රහතන් වහන්ගේ ඇසුරට යොමුවන සිතුවිලිම පහල වේවා.... සාදු සාදු සාදු..........
No comments:
Post a Comment