මිනිසුන්ගේ කතාබහ තුළ තියෙන දේවල් අපි හිතනවාට වඩා හරි භයානකයි. මේ හැම දේකින්ම පරිස්සම් වෙලා ඉන්නවා කියන එක හරි අමාරුයි.නුවණ තිබුණොත් තමයි හිත පරිස්සම් කරගෙන,බුදුරජාණන් වහන්සේ වදාළ ධර්මය හොදට සිහිකරගෙන ඉන්ට පුළුවන් වෙන්නේ.එහෙම නැත්නම් ඔලුව අවුල් කරලා දාන්නට ඕනෑ තරම් කට්ටිය ඉන්නවා.සත්‍යයේ නාමයෙන් බොරු කියන ලෝකේ ඕනතරම් ඉන්නවා.ධර්මය කෙරෙහි හිත පහදවා ගන්නට තියෙන බාධා තමයි හැම තැනම තියෙන්නේ
මේ ධර්ම මාර්ගයේ යද්දී ගුණධර්මයන් ගේ පැත්ත ගැන වැඩිපුර අවධානය යොමු කළොත් අපිට රැකෙන්ට තියෙන අවස්ථාව වැඩියි.ගුණධර්ම පැත්ත අතහැරියොත් අනතුර වැඩියි.අපේ තිසරණය රැකෙනවා නම් රැකෙන්නේ අපේ ගුණධර්මත් එක්කයි.තිසරණේ අහිමි වෙනවා නම් අහිමි වෙන්නේ ගුණධර්ම නැති කමින්. ඒ නිසා මේක හොදට තේරුම් අරගෙන අපටත් බුදුරජාණන් වහන්සේගේ ධර්මය පිළිසරණ කරගෙන වාසය කරන්නට හැකියාව ලැබේවා.
සාධු ! සාධු !! සාධු !!!
පින්වත් ස්වාමීන් වහන්සේ නමක් විසින් පවත්වනු ලැබු සදහම් දේශණාවක් ඇසුරෙනි.
No comments:
Post a Comment