මත්පැන් බොන සමහරුන් මෙසේ කියනවා. ' මට එය අත් හරින්න බැහැ.ඇයි අත්හරින්න බැරි ? එහී ආදීනව දකිනවා නම් එය අත්හරින්න කෙනෙක් කියන කල් ඉන්න ඕනෑ නැහැ.යමක ආදීනව නොදකින්නේ නම් එය අත් හැරීමෙන් ඇතිවන ඵලයද දන්නේ නැහැ.ඔබගේ පුහුණුව නිශ්ඵලයි.
බිලී බාන මිනිසෙක් ඔහුගේ දැලේ යමක් පැටලිලායයි සිතන කතාව ගැන කල්පනා කර බලන්න.ඔහු දන්නවා දැල ඇතුළේ සතෙක් ඉන්නවා කියා. ඌ කරන ශබ්දය ඇසෙනවා.දැල ඇතුළේ ඉන්නේ මාළුවෙක් කියා සිතා ඒ තුලට අත දමා අමුතු සතෙක් එහි ඇති බව වටහා ගන්නවා.සතා පෙන්නේ නැහැ.ඒ නිසා ඔහුගේ සිත සැකයෙන් පීඩාවට පත්ව ඇත. ඒ තුල ආඳෙක් විය හැකියි.නැතිනම් සර්පයෙක් 🐍.ඔහුගේ මනස සැකයෙන් පිරී ගොස්ය.ඔහුගේ ඇල්ම නිසා ඌ තබා ගන්නවා අඳෙක් වෙන්න පුළුවන් නිසා. එහෙත් ඔහු ඌව දැලෙන් එලියට ගත් විගස උගේ හමේ වයිරං දැක කෙලින්ම ඌව පහලට විසී කරනවා.ඔහු බලා ඉන්නේ නැහැ.'ඒ නයෙක් ' කියා අන් අය පෙන්වා දෙන තෙක්.ඔහු දන්නවා කුමක් කල යුතුද කියා.ඇයි ඔහු දන්නවා සර්පයාට දෂ්ඨ කල හැකි බව.කවුද ඔහුට එය කියා දිය යුත්තේ ? එලෙස අපේ පුහුණුව වැඩුනාම ඒ ඒ දේ නියම අන්දමින් අපි දැක බලා ගෙන හානි කරන දෙයින් අපි ඈත් වන්නේ.
*** ආචාන් හිමියන් ***
නිතරම යමක වරද්දක් පෙන්වා දෙමින් දහම් අවවාද දෙන සුසෝභිත ස්වාමීන් වහන්සේ ඇතුළු අනෙකුත් ස්වාමීන් වහන්සේලාට නිර්වාණ අවබෝධය පිණිස මෙම ධර්ම දානය හේතු වාසනා වේවා.
No comments:
Post a Comment